NetSurf Internet connection mahni a in check dan

NetSurf Internet hman theihloh tawp avanga complaint kan neih hma in mahni a awlsam taka kan lo in check that ve theih thil a awm thin avangin hei hi inlo chhiar hram dawn nia.

A hmasa berin kan cable zawng zawng a nghet a ni tih chian nan kan vuah tha emaw nawr nghet hmasa vek anga.

Antenna (pawn lama kan fit thin) hi a nun a ngai a. A nung tur chuan power pe tu ber POE adapter hi power plug a lut in a nun angai bawk a (a nun chuan a varin light a eng ang), pawn lam antenna atanga hrui lo kal hi adapter ah hian POE tih lamah a lut ngei bawk tur a ni.

Wifi Router kan hmang tel anih chuan a in zawm tur a ni a. A va zawmpui tur a hi router a zirin a danglam ang. Wifi Router hian a tlangpuiin WAN leh LAN port a nei hrang a, WAN port 1, LAN port 1 atanga 4 thleng te a nei ve thin. WAN leh LAN hian rawng hran a rawn nei thin a. A hnuai ah pawh a in ziak hrang ve thin bawk.

WAN atan RJ45 (ethernet cable pangai) luhna a awm a nih chuan WAN port ah hian kan vit lut hmasa anga, chuta ala that loh chuan LAN lamah kan vit leh chhin ang ( hei hi a chhan chu WAN port chhia a awmin LAN port a lut turin kan configure thin vang a ni ).

WAN port ah RJ11 (telephone hrui atanga lo lo kal, a port te bik) luhna awm a nih chuan LAN port khawi emaw ber a hman mai theih a ni.

Adapter a LAN lampang hi wifi router kan hmang tel lo a nih chuan Computer emaw Laptop nen emaw a in zawm bawk tur a ni.

Share