Online-a bill pek dawnin login nan hian username leh password kan mamawh a. Hei hi connection kan neih tirhin kan registered email ah a tleng thin. Customer support lamah pawh a zawh chian theih reng e.
Kan Internet hman tur hi pek lawk zel a ni a, bill vawi khat pek hi ni 30 zel daih a ni, hei hi billing cycle kan ti mai thin.
Kan pek dawn a immediate tih checkbox kan tick loh chuan a expire ni atangin ni 30 a in belh leh zel ang.
Kan plan hman lai kan thlak anih pawhin immediate kan tick loh chuan kan bill kal lai mek chu plan ngai in a kal zo phawt anga, billing cycle tharah kan plan chu a in thlak chauh ang.
Immediate hi kan tick anih erawh chuan kan bill kal lai mek chu bo in, kan pek ni atangin ni 30 a in chhiar tha leh ang a, kan data hman tawh pawh a in reset tel nghal vek bawk ang. Plan kan thlak anih pawhin kan pek ni atangin plan thar kan hmang tan nghal ang.
Data hman zawh vang emaw, Plan thlak nghal duh avanga recharge tur chuan immediate hi tick tur a ni a, Data ringawt thun belh duh tan FUP data thun belh mai theih a ni bawk e.
Entirnan kan bill kal lai mek hi March ni 1 atanga ni 30 hi lo ni ta sela, kan internet expire hun tur chu March ni 30 a in tan chiah atangin a ni dawn a, chu chu March ni 29 zanlai dar 12:00AM a ni ang. Tichuan March ni 20 ah data kan hman zawh vangin immediate tick chung chuan lo recharge ta ila, kan billing cycle thar tur chu March 20 – April 18 (March ni 20 atanga chhiar a ni 30 dang belh) a lo ni tawh anga, kan data pawh a in reset nghal ang.
Immediate tick lo a kan recharge erawh chuan kan data in reset lo in March ni 30 atanga chhiarin ni 30 dang a in belh ve leh anga (chu chu April ni 28 a lo ni ang), March ni 30 ah chuan kan data pawh chu a rawn in reset chauh ang.
Wireless Broadband plan hi ni tin data in reset thin a nih avangin data zawh avanga immediate a recharge a ngai lutuk lo thin.
Wireless Broadband atanga Fiber connection a in thlak tan, thlak atanga bill hmasa ber online a kan pe anih chuan Change Plan tick a, kan plan duh thlan ngei ngei tur a ni e.
Online a bill pe kher lo tan pawh a chunga kan tarlan Immediate tick leh tick loh hmang khian duh zawk zawkin a recharge theih tho e.
Hriat belh leh zawh duh nei tan Thawhtanni atanga Inrinni, zing dar 10:00AM atanga zan dar 8:00PM thleng customer support biak theih reng kan ni.
